Facebook Instagram Youtube Envelope Whatsapp

全民Salute星企業

Skull Rock Fashion

「Skull Rock Fashion」本地設計品牌-潮流飾品 泰國韓國日本台灣美容化妝個人護理產品
今集《#全民Salute星企業》請來 Skull Rock Fashion 創辦人 Phoebe 做嘉賓， Phoebe 2015年已開始網店生意，屬第一代網店始祖，主打自家設計手作飾物，同時亦有日本和泰國化妝品、服飾、潮物出售，貨品種類繁多，如百貨店一樣，務求滿足每個客人需要，由網店到車仔檔，一直默默耕耘，至2017年開設實體店，做到線上線下生意。 本身讀design的Phoebe，熱愛手工創作，又非常喜歡晶石嘅天然獨特紋理，所以決定將水晶設計成日常配飾，深明溝通的重要性的Phoebe，著重跟每個客人溝通，了解他們的需要和喜好，再為他們挑選產品或設計飾物，「無論係送人定自用，一定要揀合適的！」 這些年來，Phoebe keep住每日都有新設計和產品上架，讓客人有新鮮感，而每件產品都係限產甚至獨一無二，不會撞款，配搭自己。同時提供永久保養。如果你仲未揀定禮物，可以搵Phoebe幫手！！

巧月漢文化工作室

工作室為公眾提供漢服體驗服務，包括漢服租借、工作室內漢服體驗、漢服化妝造型、到校體驗或講座分享、髮型造型教學、各類手工工作坊、攝影等
如果你對傳統文化有興趣就要留意！！今集《#全民Salute星企業》請來 #巧月漢文化工作室 創辦人 思音 做嘉賓，思音希望跟人分享中國傳統文化，認為漢服不僅是一件衣服，而是傳統文化的一部分，包含著不同的文化、工藝及習俗，於2017年成立巧月漢文化工作室，讓更多人可接觸漢文化的傳統。 工作室不單提供傳統漢服外，更細心為客人設計髮型、飾品等，當中的絨花，是唐朝年代，宮中貢品，也是漢服文化不可缺少的一環。工作室有過百款漢服供選擇，除了可讓客人試穿體驗漢服外，更打造多個不同場景，讓同好者可䀆情打卡。 如果你都想體驗漢服文化，又鍾意打卡，就搵思音夾個期！

ChillSJ

ChillSJ 把生活與潮流連繫，引領大家享受尋於你的《Chill Life》
今集《#全民Salute星企業》請來 #ChillSJ 創辦人 Jim（六叔）、Stephen（佘哥）做嘉賓，六叔和佘哥相識在X-Game場，一個踩板一個踩單車，因為啱嘴形又有共同理念，於是決定開間Chill到爆嘅潮服專賣店ChillSJ，「我哋係想復興加老威！」兩個優皮士希望身體力行支持本地品牌及創作，為年輕人開放平台，讓同好者可擺放自家品牌寄賣，甚至每星期開Live 與眾同樂。 Chill SJ特設 Live Music，定期跟本地音樂人及創意單位合作，祺祺跟六叔早已在Busking時認識，仲相約大家有時間Busking下，如果你都想搵個地方Chill下，又或撐下年輕人，真係要落轉加老威！！

Luxury Princess

正品名牌 | 寄賣 回收 | 翻新服務 正版正貨標籤｜香港奢侈品鑒定中心 認可商店
女生都愛買包包，如果你都識玩，一定係買經典保值款，孭到咁上下時間又換下款，keep住新鮮感，今集《#全民Salute星企業》請來 Luxury Princess 負責人 阿Sin 做嘉賓，Luxury Princess由網店開始到今日在利時開店，因堅持價格必須要合理，寄賣手續費亦是平絕全行，故多年來有一班靚靚支持。 店主會推介保值度高的貨品給顧客，亦會拍片教人分辨名牌包真偽，同時，Luxury Princess 已跟香港奢侈品鑑定中心合作，為客人鑑證名牌包包。放售選購包包外，Luxury Princess亦提供包包翻新服務，效果達九成，真係唔好諗太多，抽個時間落利時走轉。

翡翠珠寶

翡翠不語卻能告訴別人你的身份品味情‬‬懷內涵◽️自13年經營門店◽️資深翡翠鑑定師 • 珠寶設計師◽️16年到緬甸礦區實地考察◽️貨源豐富◽️時尙簡約輕奢到收藏級◽️嚴選品質◽️品質與價格皆獲得顧客一致好評
買翡翠珠寶這類奢侈品，十個有九搵大公司，但其實坊間都有好多信譽良好的珠寶店可選擇，今集《#全民Salute星企業》請來 翡翠珠寶 創辦人 Joan 做嘉賓，09年修讀珠寶設計課程的Joan，發現坊間出現好多人工處理的翡翠當真翡翠賣，真偽只差一線，於是決定再修讀珠寶鑑證課程，希望可教顧客分辨真假。 翡翠跟鑽石一樣有等級之分，憑4C2T1V的準則去釐定翡翠嘅質素和價格， Joan認為做生意一定要老實講信譽，過去10年得到客人信任係最大滿足，今年更推出自家設計的珠寶首飾，年輕化的設計、客製化的配搭，總有一款啱你心意，Eunis 亦對 JOAN的設計讚不絕口。

DIAHOLIC

求婚鑽戒訂製陳列室 15年珠寶經驗 優質𝐆𝐈𝐀鑽石現貨 鑽石廠批發
時代進步，買珠寶首飾唔一定要幫襯大品牌，坊間有不少信譽良好又性價比高的優質商店供選擇，就好似今集《#全民Salute星企業》要推介的 DIAHOLIC，創辦人 Ivan Ng 從事珠寶行業多年，以客製化及貼心服務取勝，提供GIA鑽石，客人只需提出要求和想法，DIAHOLIC便能設計出獨特又新穎的款式，亦會因應要求作出弧度、厚度等調整，甚至可為該飾品冠名，絕對係獨一無二！！ 新系列的時間沙漏更有它的意義，有興趣不妨去showroom現場揀款。

運動閣

運動閣 提供不同類別運動用品
今集《#全民Salute星企業》請來 運動閣 創辦人 Gordon 做嘉賓， Gordon 自小跟着爸爸做生意，深明凡事都要由低做起，執倉抹櫥窗至穿球拍線，事事親力親為，講到管理方面， Gordon亦有自己一套模式，大家不妨學習學習。 #承傳 #管理的學問 #成功非僥倖

橘子 Great e-store

橘子🍊 Great － 以🧡經營既生活小百貨分享平台，精挑各地美食、生活精品、美容產品
疫情下，大家都習慣網上購物，今集《#全民Salute星企業》請來 橘子 Great e-store 創辦人 Pinky 和 Stephanie 做嘉賓，兩個靚媽網上結緣，相識十多年，當年新手媽媽網上問功課開始，到孖住做生意，網店主打特意手作產品， 好多產品都係全職媽媽團製作，髮飾、圍巾到手挽包 全都是獨一無二，即係一件起兩件止，賣完就無！！
Facebook
Twitter
WhatsApp