擔任《全民Salute星企業》節目主持，方力申坦言獲益良多，當中有經營甜品、珠寶首飾、保健品、蛋卷，甚至自家品牌服飾，包羅萬有，他說：「我覺得真係學到好多嘢，真係有危就有機，疫情這兩三年，當我們感到氣餒沮喪，原來身邊有咁多人，不論係比我後生還是年紀跟我差不多的，佢哋都會創業，而且還有好好成績。」

Alex坦言訪問後才知道，有些小店老闆甚至由低學起，創立自己品牌，加入不同元素，令整個品牌更有賣力，他說：「星企業好多都係小店，幾個朋友夾份開，又或自己兄弟姊妹開，都係小本經營，都係嗰句金句，You don’t have be great to start, but you need to start to be great，一定要開始咗先。」又大讚做酒品生意的中小企有生意頭腦。

拍攝期間，很多小店老闆都特意為Alex送上自家製產品，當中的游泳學校造型蛋糕更令Alex讚不絕口，問到游泳學校會否效法中小企？Alex笑說：「我自己都有投資NFT，會否將這元素加入變成Membership，多點聚會，嗯，我諗都會係出游水泳衣裝備，感覺仍有點old school，我應該再多想，看怎樣能think out of the box。」

小店老闆為Alex送上男神靚湯、豬籠入水造型蛋糕，𠱁得Alex笑逐顏開。