邱禮濤電影《暗殺風暴》已定於本月18日在港上畫，三位型男再度碰頭，Chilam表示拍得好順，他說：「我同古仔鎮宇都有好多合作經驗，合作起嚟係好順暢，大家會百分百投入，亦都好尊重電影，我覺得出嚟嘅作品會好好。同埋我哋三位嘅合作次數，我相信應該會帶畀大家一種好睇嘅保證。」

古天樂在片內其中一個造型是被爆炸波及、導致毀容而需化特效妝，效果非常破格，Chilam對此說：「喺一個製作團隊嘅立場嚟講，古仔嘅爛臉妝我覺得做得幾精緻，咁我自己就覺得做呢個妝幾辛苦嘅，因為做呢個妝時間長，好多時拍電影都係要等埋位，唔容易去接受嗰種辛苦。」問Chilam會否願意接受這種爛面妝的挑戰？他表示：「如果有一個好好嘅劇本，自己都願意去嘗試，因為作為演員應該嘗試多啲唔同種類嘅題材。」

Chilam是次角色對白甚多，但難記的對白並沒難倒他，最難的地方反而是角色狀態和眼神，因為他會經常幻想未婚妻（胡杏兒飾）在身邊，他形容：「究竟係望到佢定望到定望唔到佢、對話緊定係自言自語？呢啲都要諗得好清楚先可以演繹得比較精準。」

https://www.youtube.com/watch?v=AgBqM2wZ5qU 

《暗殺風暴》由新聯華娛樂集團有限公司發行。導演邱禮濤執導、陳穎倫監製、沈錫然編劇。古天樂、張智霖、吳鎮宇、胡杏兒、周秀娜領銜主演。佘詩曼特別演出，呂良偉、任達華、姜皓文、洪天明及林燕玲友情演出；主演蔡瀚億（BabyJohn）、張建聲、黃德斌、陸永、周家怡、李子雄、羅蘭、羅冠蘭、吳毅將、陳國坤及邵仲衡等。