品牌的名字Parcoeur 是法文，意思是由心出發，99ml代表每支容量，創辦人 Don 笑言「99ml 先可以帶上飛機！」品牌概念是希望將香水大眾化，每一支香水盛載着每一個故事。

一億種香味

香氣撲鼻的店內放滿由法國進口的高質原味香水，設有依蘭、佛手柑、玫瑰、茉莉花和檀香等，再加上由調香師專業調製、根據不同性格調配的「12星座香水系列」，一共有28款香味任君選擇。

客人可預約到場DIY專屬香水，由選味、調配香味份量、入樽至封蓋都一手包辦，再配以全港唯一，即埸鐳射雕刻心意字句於香水樽上，感覺獨特，用來送禮更別具意義。創辦人Don透露，不同比例和份量的香水能調配出一億種氣味，非常彈性貼心。

開業至今，累計服務近 5000人，儲落一段又一段動人故事，Don說：「好多嘢好易忘記，唯獨氣味可以last，聞起舊氣味，一些難忘往事都會湧上心頭。」其中印象最深莫過於有一位女顧客預約做自調香水，差點搞喊店主。Don說：「個女仔話要調配一支令人開心、清香味嘅香水。製作過程中，我忽然見到枱面上有滴水，原來係客人嘅眼淚，仲愈喊愈傷心。安慰過後，女客人娓娓道出傷心史，原來啱啱同拍拖三年嘅男友喺冇預警下突然分手，從此聯絡唔到男友，所以希望調配一支令自己一聞就開心嘅香水送俾自己，話俾自己知要記得今日重新出發，佢仲喺樽身上刻咗『從今天起重新出發』呢八個字，嗰刻真係好touching。」

愛意滿Fun

99ml主打12星座香水系列外，近年亦重點搞婚宴回禮禮物，以一對新人由相識日去到大日子的點滴變成愛情故事去調製香水。準新人可事先到店拍攝調製香水過程，再製成短片於婚宴當晚播放，再將婚宴Logo雕刻在香水瓶上送贈賓客，一生一世永不褪色，令賓客日後聞到香味，亦喚起婚宴當晚的甜蜜回憶。

除了新人「專屬氣味」外，品牌亦提供香水到會服務，香水調配員會到婚宴場地，協助賓客即場DIY其專屬香水，再加上鐳射標籤，獨一無二，令整個浪漫婚宴加晒Fun。Don說：「三年疫情下做了200場婚宴，最多試過做五十圍。今年更有新挑戰，將會係一場有1500位賓客的盛大世紀婚禮。而今年做嘅婚宴回禮中亦比較特別，其中有百分之三十係由3種星座香水調配而成，皆因有部份新人在疫情下先註冊結婚，至近日才擺酒完婚，佢哋已經由兩口甜蜜之家，變成有BB嘅幸福家庭。」

地址 : 尖沙咀柯士甸路23號華麗酒店地下 D號舖

電話 ：6995 5995

www.99ml.com.hk

Parcoeur de 99ml 店內放滿法國進口的高質原味香水，能調配出一億種氣味。

自調香水的同時，可在香水瓶上刻上心意字句。

在Parcoeur de 99ml 由選味、調配香味份量、入樽至封蓋都可自己一手包辦。