《Di-Dar》看似是驚嚇鬼故事，實情是爆笑劇場，身兼編劇的梁祖堯說：「幾年前有人想我同阮韻珊（合作編劇）幫佢哋搞個舞台劇，我哋寫完大綱，跟住仲好快寫咗一個關於校園同埋中樂嘅鬼故，但後來計劃擱置。到上年，心血來潮覺得唔好嘥，故仔幾好，就重新構思過，用返條大橋去寫《Di-Dar》。」阮韻珊則說：「《Di-Dar》係一個關於『活着』嘅故事，我哋成日話做人要無遺憾，但係做人有無可能真係無遺憾？我相信無可能，反而喺無常嘅世界入面，我哋要學習點樣帶住生命瑕疵生活落去。呢個係一個有鬼有人、要生要死、又喜又悲嘅故事。」

今次《Di-Dar》主要分兩條支線，分別是梁祖堯、湯駿業AhDee及邵美君飾演的舊生，以及何洛瑤Sica、鄧家杰Kakit和杜曦駿Larry飾演的學生，葛民輝則飾演校長，岑珈其則是貫穿眾多角色的重要一員。演出名單中，最叫人驚喜的必數葛民輝，就連兼任導演的AhDee也表示能夠邀請到阿葛參與其中，感覺奇妙，他說：「可以同阿葛一齊做Show，好夢幻，發夢都估唔到！因為我哋搵阿葛都係博一鋪，點知得到佢嘅回覆，仲約我哋見面，到而家成事，太不可思議。」

至於阿葛，他笑言：「阿祖經朋友問我，話有個劇本角色啱我，想搵我傾。喺舞台現場演出係令我好興奮，而且聽講阿祖好鍾意食嘢，同佢哋排劇係唔會餓親仲會肥幾磅，聽落幾好，雖然故事未齊，但成件事令我好好奇，所以就答應了，但有啲後悔，而家加咁多場，去完葵青劇院再去演藝學院。」

風車草的演員一向玩爆肚，今次有搞笑能手阿葛加入，還有岑珈其、Sica、Kakit 這些年輕有喜感的演員，阿祖揚言創作劇本時瘋狂加入笑位，相信台下屆時必定笑聲不絕，想派笑彈的同時，都擔心會玩到失控，他說：「都驚排練玩到太熟絡就出事，而且風車草啲人壞壞地，佢哋喺自己啲Show都會爆肚，我真係怕台上會完全失控，完全返唔到嚟。」但阿祖笑言：「如果我哋俾你更瘋狂，你就會勒返住自己㗎喇！」

風車草黑心喜劇《Di-Dar音樂劇場》

1.⁠ ⁠葵青劇院演藝廳 場次（全部售罄）

日期及時間：9 – 11, 13 – 18, 20 – 24.8.2024 [8pm] / 10 – 11, 17 – 18, 24 – 25.8.2024 [3pm]

1.   香港演藝學院歌劇院 場次

香港演藝學院歌劇院場次之門票將於2024年6月5日（下星期三）早上10時起於cityline公開發售

網址：https://cultural.cityline.com/tc/2024/didar2024.html

電話查詢：2389 9220